CURRENT NEWS

Sunday, March 19, 2017

DC MTATURU AMALIZA MGOGORO WA MIPAKA ULIODUMU MIAKA 33

Mkuu wa wilaya ya Ikungi Miraji Mtaturu akitoa maelekezo ya mipaka  mbele ya wananchi wa kijiji cha Muungano na wasimamizi wa kituo cha OTC na Veterinary 
Mkuu wa wilaya ya Ikungi Miraji Mtaturu akiwa na wananchi wa kijiji cha Muungano na wasimamizi wa kituo cha OTC na Veterinary  wakiangalia  eneo la mipaka lililoleta mgogoro kwa muda mrefu. 
 Mkuu wa wilaya ya Ikungi Miraji Mtaturu akiwa na wananchi wa kijiji cha Muungano na wasimamizi wa kituo cha OTC na Veterinary  wakiangalia eneo la mipaka lililoleta mgogoro kwa takribani miaka 33 sasa. 
Mkuu wa wilaya ya Ikungi Miraji Mtaturu akiwa na wananchi wa kijiji cha Muungano na wasimamizi wa kituo cha OTC na Veterinary  wakiangalia eneo la mipaka lililoleta mgogoro kwa takribani miaka 33 sasa. 
Mkuu wa wilaya ya Ikungi Miraji Mtaturu akitoa maelekezo ya mipaka  mbele ya wananchi wa kijiji cha Muungano na wasimamizi wa kituo cha OTC na Veterinary mgogoro baada ya kuwepo kwa mgogoro ambao amefanikiwa kuumaliza.
            .........................................................................................................

MKUU wa Wilaya ya Ikungi Miraji Mtaturu amefanikiwa kutatua mgogoro wa ardhi wa mipaka uliodumu kwa takribani miaka 33 sasa kati ya wananchi,kituo cha kufundishia wanyama kazi(OTC) na kituo cha utafiti wa mifugo(Veterinary)vilivyopo katika kijiji cha Muungano wilayani humo.
 
Machi 4 mwaka huu Mtaturu alifanya kikao cha awali  na familia zipatazo 21 ambazo zilieleza kutoridhishwa na kitendo cha  kituo kumiliki hekari 320 ambapo mipaka yake iliongezwa bila ya kuwashirikisha  hali iliyomlazimu kuamua kutembelea eneo husika ili kuona namna ya kutatua mgogoro huo.
 
Baada ya saa nne za mjadala akiwa eneo la tukio alibaini uwepo wa mipaka iliyosogezwa  kwenye maeneo ya wananchi bila ya kuwashirikisha ikiwemo kuingilia makaburi na hivyo kushauri wananchi kurejeshewa hekari 100 kutoka kituo cha OTC na eneo la mita za mraba 3,093 kutoka kituo cha Veterinary..
 
 “Ili mgogoro huu umalizike inabidi tufanye maridhiano na katika maridhiano kuna utaratibu hufanyika wa nipe nikupe yaani give and take na katika maeneo ambayo wananchi wameingia kwenye mpango mji ufidiwaji utazingatiwa kwa mujibu wa sheria namba 4 ya mwaka 1999,”alisema Mtaturu.
 
Baada ya maridhiano hayo wataalam wa ardhi waliweka alama kwa kupima upya kwa GPS mbele ya wananchi  ambapo aliwashukuru wazee,viongozi na wananchi kwa ushirikiano uliosaidia kufikia maridhiano  na kumaliza mgogoro huku akitoa agizo kwa halmashauri kupitia idara ya ardhi na kilimo kuweka alama za kudumu kwenye mipaka zitakazosaidia kuondoa migogoro isiyo ya lazima.
 
“Nawaomba wananchi mnaolima maeneo ya hifadhi ya maji muache mara moja kufanya shughuli za kibinadamu baada ya msimu huu wa kilimo,muheshimu mipaka iliyobainishwa sasa na mtumie vizuri mvua zinazoendelea kunyesha kwa kupanda mazao yanayotumia maji kwa ufanisi  ikiwemo kupanda miti  ili kulinda mazingira na kusaidia juhudi za nchi na dunia kupambana na ongezeko la joto duniani,”alisisitiza Mtaturu.
 
Kwa upande wake mwenyekiti wa kijiji cha Muungano Hussein Galawa kwa niaba ya wananchi alimshukuru mkuu huyo kwa kukubali kusaidia kutatua mgogoro huo wa muda mrefu na kumuomba kwenda kutatua mgogoro wa mipaka kati ya shule yao ya msingi na sekondari Unyahati na wananchi na kusisitiza wananchi kuwa watulivu badala ya kutuhumiana na kuchafua viongozi pindi inapotokea migogoro.
 
Wakizungumzia historia ya kituo cha OTC mwenyekiti mstaafu wa kijiji hicho mzee Emmanuel Humme,mwenyekiti wa zamani wa kamati ya uendeshaji kituo cha OTC mzee Juma Mwati na mzee Andrea Chima walisema kituo hicho kilianzishwa mwaka 1970 kikiwa na lengo la kufundisha wakulima na wafugaji ili kuleta tija na kilitumiwa kama kituo cha kugawa pembejeo mbalimbali za kilimo.
 
Copyright © 2014 Mkono Wangu Production Designed by EvMak Tanzania